Monografikoa

Gabonetako kanpusa

Gabonekin batera etxeko txikienekin denbora pasatzeko momentua heldu da Sekula Estudiora.

Egunarekin hasteko errutina arin batzuk egingo ditugu: egutegia errepasatu, dantza eta luzaketa batzuk gorputza aktibatzen hasteko eta umeen txokoan eguneko lehen elkarrizketak izango ditugu. Goizean zehar eskulanak egin, gabonetako oparitxoak prestatu eta ume bakoitzak tailerrean eskura izango ditugun ariketa eta lantxoak egiteko aukera izango du.

Pelikularen bat ere ikusiko dugu, edo bestelako ekintza bereziren bat ere egingo dugu. Aste amaieran, guraso zein beste senideek ikusteko antzerki emanaldi txiki bat prestatuko dugu.

Xehetasunak

Data eta kokapena: 1. Astea: Abendua (23, 24, 26, 27)
2. Astea: Abendua-Urtarrila (30, 31, 2, 3)
SEKULA Estudio, Getxo.
Ordutegia: 9:00–14:30
(8:30-etatik aurrera umeak uzteko aukera).
Prezioa: Aste bat: 100 €
Bi aste: 180 €
%10-eko deskontua neba-arrebentzako.
%15-eko deskontua Sekula Estudioko ikasleen seme-alabentzako.
(Prezioek BEZ-a eta materiala barne dute).
Hamaiketakoa: Ume bakoitzak bere hamaiketakoa ekarri beharko du.
Fruta, palomitak eta irabiatu zein zukuak egongo dira eskura (momentu puntualetarako).
Azken egunean merendola egingo dugu.
(Alergia edo behar zehatzik izatekotan, jakinarazi mesedez).
Partaideak: 8 pertsona.
Nori zuzendua: Umeak, 6–12 urte.

Informazio gehigarria

Ikastarorako beharrezko material guztia estudioan bertan aurkitu ahal izango duzu.

Ez da aurretiko esperientziarik behar.

Ikastaroan izena eman eta gero etorri ezin izatekotan, ez da diru itzulketarik egingo. Hauxe gertatzekotan, posiblea duzu zure izenean beste pertsona bat etortzea hark zure plaza erabil dezan (aurretik abisatu ostean).