Monografikoa

Apaingarriak + Girlandak

45 €

Ospakizun eta jai giroko sasoi honetan, ez dugu gure etxea apaindu edo alaituko duen hori beti zertan erosi. Data bereziak hurbil ditugula aprobetxatuz, ikastaro honetan etxea bizitu eta apaintzeko piezak egingo ditugu: atetik/pomoetatik eskegitzeko apaingarriak, girlandak eta bestelako gabonetako dekorazioak.

Espazioei bizia eta kolorea emateko pieza hauek maché-papera, akrilikoak, kartoia eta kartulinak erabilita egingo ditugu, besteak beste. Horretaz gain, kaskabelak, pegatinak eta beste apaingarri eta gehigarri batzuk izango dituzue eskura piezak osatzeko..

Zer eramango duzu etxera?
· Egindako apaingarri eta pieza dekoratiboak.
· Sekula Estudioko zorion postal bat.
· Tripa bete betea!

10 plaza libre

Xehetasunak

Data eta kokapena: Abenduak 28, 10:00–14:00
SEKULA Estudio, Getxo.
Iraupena: 4 ordu, hamaiketakoa barne: Amasarte Labea-ko brioche Nanterre-a, txokolate beroa eta beste jaki gaziren bat (alergia edo behar zehatzik izatekotan, jakinarazi mesedez).
Partaideak: 12 pertsona.
Nori zuzendua: Adin guztiak eta familiak.

Informazio gehigarria

Ikastarorako beharrezko material guztia estudioan bertan aurkitu ahal izango duzu.

Ez da aurretiko esperientziarik behar.

Ikastaroan izena eman eta gero etorri ezin izatekotan, ez da diru itzulketarik egingo. Hauxe gertatzekotan, posiblea duzu zure izenean beste pertsona bat etortzea hark zure plaza erabil dezan (aurretik abisatu ostean).